किस्से कोर्टातले

#किस्सेकोर्टातले.  "जिवंतपणी अन्न-अन्न आणि मेल्यावर पिंडदान.." "आई वडिलांच्या स्वकष्टार्जित मिळकतीमध्ये  आई वडिलांच्या  हयातीमध्ये मुलांना काही हक्क नसतो."    - ऍड. रोहित एरंडे © सध्या पितृपंधरवडा चालू आहे. आपल्या पितरांना / पूर्वजांना सद्गती मिळावी असा विश्वास असणारे  'पक्ष-विधी' करत असतात.  मात्र दरवर्षी पितृपंधरवडा सुरू झाला की एक जुनी केस आठवते..आई - वडील गेल्यावर श्राद्ध पक्ष करा किंवा करू नका, पण ते जिवंत असताना तरी त्यांच्याशी नीट वागणे जास्त महत्वाचे आहे हे लक्षात येते. आमचे एक जुने पक्षकार होते.  नवरा -बायको  दोघेही नोकरी करीत आणि या पैश्यातून   छोटेखानी बंगला  बांधला  आणि त्यात ते सुखाने राहत होते.  एकुलता एक मुलगा.    अमेरिकेत नोकरी मिळाली आणि इकडे  लग्न करून बायकोबरोबर तिथेच स्थायिक झाला. मध्येच त्या मुलाला PhD करायची हुक्की आली, पण  त्याची फी खूप जास्त होती आणि त्याला ती परवडत नव्हती. ..  म्हणून त्याने आई वडीलांमागे टुमणे लावले की बंगला विकून टाका आणि त्याचा हिस्सा त्याल...